بەهار بوو فەسڵی زستانم ئەگەر یارم لەگەڵ بایە
درۆیە گەر گوتوویانە بە خونچێکی بەهار نایە
گیانە ئەمجارەش پەڵاسی شەرم و دین پارە دەکەم
ئەم دەردی هەژارییەم قوربان بە مەی چارە دەکەم
سێبەردە دەنێمە مشتی دەستی بیری پیرم
هەر کیژی سووری ڕەزی ترێ مارە دەکەم
لانک لانک لانکۆڵێ
لانک لە دارهەنارێ
وەستا بێ لە تارانێ
لانکێ درووس کا بۆ چاوجوانێ
دەڵێ لە لانکەیدا نانووم
دەبێ بۆم ساز کەی جۆرلانێ
ئەرێ ڕۆڵە سەردڵ خڕ بی
باب زیندوو بی*
شەو درەنگە بۆ جێژوانێ
ئەوە ڕۆژی ڕووناکە و هەموو دونیا دەیزانێ
لانک لانک لانکۆڵێ
لانک لە دارهەنارێ
ئەو قورعانە بتگرێ هێنات لێکت کردەوە
سێ جارت دەست پێدا دا وەی بۆ مزگەوتت بردەوە
ئەمنی دێوانە کردووە بە دەم داخ و دەردەوە
بۆخۆت کەیفم بۆ دەکەی بە گەردنی زەردەوە
لانک لانک لانکۆڵێ
وەی لانک لە دارهەنارێ
وەستا بێ لە تارانێ
لانکێ درووس کا بۆ چاوجوانێ
دەڵێ لە لانکێیدا نانووم
دەبا بۆی ساز کەین جۆرلانێ
هەک ڕۆڵە سەردڵ خڕ بی
باب مردوو بی
شەو درەنگە بۆ جێژوانێ
ئەوە ڕۆژی ڕووناکە و هەموو خەڵک دەیزانێ
هەنارە، قۆخە، بێیە
تۆقە و گوارە لە گوێیە
بۆم بانگی هەیوانێی کەن
بەه کاری تایبەتیم پێیە
ئەلعان لە یار بپرسی
نازانێ ئەوە کێیە
لانک لانک لانکۆڵێ
لانک لە دارهەنارێ
وەستا بێ لە تارانێ
لانکێ درووس کا بۆ چاوجوانێ
دەڵێ لە لانکەیدا نانووم
دەبێ بۆم ساز کەی جۆرلانێ
ئەرێ ڕۆڵە سەردڵ خڕ بی
باب زیندوو بی*
شەو درەنگە بۆ جێژوانێ
ئەوە ڕۆژی ڕووناکە و هەموو دونیا دەیزانێ
دە بڕۆ لە من حەڕام بی
هەر وەک شەڕاب لە شێخان
هیچ قەولی ڕاستی نەبوو کچێ غەیری درۆ و تەفرەدان
ئەگەر قەولم دەدەیتێ بە ڕاستی و بەبێ بوختان
دەنا بەو نەعلەتەی بی کە خودا کردی لە شەیتان
لانک لانک لانکۆڵێ
وەی لانک لە دارهەنارێ
وەستا بێ لە تارانێ
لانکێ درووس کا بۆ چاوجوانێ
دەڵێ لە لانکێیدا نانووم
دەبا بۆی ساز کەین جۆرلانێ
هەک ڕۆڵە سەردڵ خڕ بی
باب مردوو بی
شەو درەنگە بۆ جێژوانێ
ئەوە ڕۆژی ڕووناکە و هەموو خەڵک دەیزانێ
هۆنراوەی بەشی دووەمی مەقام: هەژار
دەقی هۆنراوەکەی هەژار بەم شێوەیەیە:
ئەم جارە پەڵاسی شەرم و دین پارە دەکەم
ئەم دەردی هەژارییەم بە مەی چارە دەکەم
سێبەردە دەنێمە مستی بیری پیرم
کیژی ڕەزی ڕووسووری ترێ مارە دەکەم