Dêtewe bêtewe teyrekey germênê
Wey hêşta dûre û dexwênê
Erê min serim be fîday ew teyre bê gulim
Ay ke nîşaney behar dênê
Dêtewe bêtewe teyrekey qendîlê
Wey bew teyrem delên heloye
Erê min leber şabalî demirim gulim
Serberz û serbexoye
Erê dûr derwanê bo jyan heyat
Ay le berzî nîştecêye
Dêtewe bêtewe teyrekey germênê
Wey be firînî xasekewe
Erê dyarin le dûr dexwênin gulim
Sersewzêkyan pêşrewe
Erê qaspey kew le kwêstan dê heyat
Le asman û ’erzewe
Çîrokî goranîy teyrokê
Be gutey 'xidir hesen'y 100 saley xelkî darelek, xirnal xelkî gundî 'gapîs'y nawçey şarwêranî mehabad buwe. le wituwêjêkda ke 16y 10y 1365y hetawî legelim kirduwe, ew dastaney gêrawe: "xirnal û helketî [dû beytibêjî nawçey mukiryan] carêkî deçne awayî 'girdik sipîyan' bo dawetê. lewê helketî aşqî bêwejnêkî debê, sê biray debin; naydenê. lewêwe deçne xizmet mîrî rewandizê. mîr xoşxiwanêkî debê. lêyan depirsê çi karen û le kwê ra hatûn? delên le kwêstanê ra hatûyn û kutnê delêyn. mîr delê eweş xoşxiwanî mine. eger çaktirtan zanî ewe ratan degirim. dewdemîda desteyek teyr le germênê ra berew kwêstan degerênewe. helketî be xirnal delê emin le germênêra be pêhelkutin deyhênme êre û etoş lêrera bîbe behrê [golî wirmê]. 'teyrokê' ewdemî ewan dayannawe. mîr xoşxiwanî xoy bo ewan rût dekatewe. nameyekîş denûsî ew jiney bidenê. heta dênewe jine mêrd be yekî dîke deka.
Serçawe: gencî ser be mor - ehmedî behrî
