لە بیرت دێ ئەو ساتانەی لە باوەشی هۆنراوەما ئەملاواندی
وەکوو ساوا لە جۆلانەی ئەم دڵەما ئەمخەواندی
لە بیرت دێ ئەو دەمانەی کە سێبەری ژیانت بووم
قەڵای ڕەوشتی ڕۆژانە و مەرهەمی ژانەکانت بووم
ئەی لە بیرتە ئەو ڕۆژانەی لە نیگای یەکدا ون ئەبووین
لە ناو دەریای ڕازمانا بۆ قووڵایی ئەوین ئەچووین
ئەی لە بیرتە چاوی خۆر و خۆری چاوم لە پێشوازیتدا هەڵاک کرد
وەکوو چرا بۆم ئەسووتان هەموو کووچە و شەقامی عەشقم تەی ئەکرد
من لە بیرمە ئەو کاتانەی دوو عاشقی بێ هاوتا بووین
لە بەهەشتی ژوانمانا وەکوو دوو فریشتە وا بووین
پەپوولەی هەست بەسەر گوڵی لێوەکانمان هەڵئەفڕین
ئەی ئەمێستا بۆ لە ناکاو وا لە یەکتری جودا بووین
بۆچی ئێستا وەک نەناسێ ناپرسی لە حاڵی زارم
بۆچی نایەی بۆ تیماری دەروونی پڕ لە ئازارم
ئەی نازانی من بەبێ تۆ تاڵی و تەنهاییە ژینم
ئەی نازانی من بەبێ تۆ تاڵی و تەنیاییە ژینم
وەکوو بولبولی شەیدا وام
لە دووریتا لەسەر چلی ماتەمینم
هەمیشە خەریکی شینم
Le bîrit dê ew sataney le baweşî honrawema emlawandî
Wekû sawa le colaney em dilema emxewandî
Le bîrit dê ew demaney ke sêberî jyanit bûm
Qelay rewştî rojane û merhemî janekanit bûm
Ey le bîrte ew rojaney le nîgay yekda win ebûyn
Le naw deryay razmana bo qûlayî ewîn eçûyn
Ey le bîrte çawî xor û xorî çawim le pêşwazîtda helak kird
Wekû çira bom esûtan hemû kûçe û şeqamî ’eşqim tey ekird
Min le bîrme ew kataney dû ’aşiqî bê hawta bûyn
Le beheştî jwanmana wekû dû firîşte wa bûyn
Pepûley hest beser gulî lêwekanman hel’efrîn
Ey emêsta bo le nakaw wa le yektirî cuda bûyn
Boçî êsta wek nenasê napirsî le halî zarim
Boçî nayey bo tîmarî derûnî pir le azarim
Ey nazanî min bebê to talî û tenhayye jînim
Ey nazanî min bebê to talî û tenyayye jînim
Wekû bulbulî şeyda wam
Le dûrîta leser çilî matemînim
Hemîşe xerîkî şînim
Nyan Abdulla