دەک ماڵێ بابم جوانێ ناسکە گوارە جۆلانێ
گرتم دوو ماچم لێ سەند لەسەر ڕێی خیابانێ
پێم گوت ئاوێزانت بم پێم گوت ئەو مەکرە دانێ
پێم گوت ئاوێزانت بم ئاخ پیر بووی ئەو مەکرەی دانێ
مریەمێ چەندە جوانی چەندە بەناز و عیوانی
گۆزەی کوردی بۆ دەکڕم دەڵێن ئەوجار ناتوانی
لەبەر ئەو گۆزە دەمرم ناسکێ نایە سەرشانی
باسکم وە ژوور سەری دە خۆشەویستی میوانی
لەبەر ئەو ژنە ڕەشتاڵە قەدی دەڵێی شمشاڵە
من سەر کەمە سەر ڕانت پێم دادە بەو دەسماڵە
گەر گولە پرسی کێیە بمشێلە بڵێ بێحاڵە
گەر بوو یەکجار چەقەی کرد ڕامژێنە بڵێ منداڵە
عورووسم جووم ئەرمەنیم من دینم بۆ وی بەتاڵە
مریەمێ
مریەمێ تۆ دەڵێی دوڕی دەڵێی دوڕی
جەرگی عالەمت بڕی
ڕەبی براکەت خێر نەکات لە جەڵەبی کاوڕی
ئاورت لە من بەرداوە کوڵمەت گوڵی شەش پەڕێ
مریەمێ چەندە جوانی چەندە بەناز و عیوانی
دەچەم جەڕەی بۆ دەکڕم خۆ گۆزەی کوردی ناتوانی
ئاوری لە من بەرداوە بە ملوێنێ هەرزانی
ئاگاداری ئەو گوڵە بێ جەدی غەوسی گەیلانی
عەنتیکە و زێدەلاوە چۆنی لێ بکەم سڵاوە
سینگی پەنیری کوردی زولفی گیابەند و خاوە
کەلەکەی چەپم کونە نازێ بە مست لێیداوە
پێم گوت نابی بە یارم خوداحافیز ماڵاوا
مانگی چاردە ئەو ژنەی دی خەجاڵەت بوو گەڕاوە
مریەمێ چەندە جوانی چەندە بەناز و عیوانی
لەبەر ئەو گۆزە دەمرم ناسکێ دەیبا بۆ کانی
دەڕۆم جاڕەی بۆ دەکڕم گۆزەی ناتوانی
بەینەڵڵا شۆخ و شەنگی وەک ئاهووی خیابانی*
نەرم و نۆڵ و گرد و مرد دەستم لەبۆ مەمکی برد
کوڵمی سێوی لاسوورە تێیدایە خاڵی ورد ورد
کفرێ لە من واقیع بوو داوای دوو ماچم لێ کرد
شەوێ تاکوو بەیانی ئەو باسکەت بۆ بکەم بە پرد
Dek malê babim cwanê naske gware colanê
Girtim dû maçim lê send leser rêy xyabanê
Pêm gut awêzanit bim pêm gut ew mekire danê
Pêm gut awêzanit bim ax pîr bûy ew mekirey danê
Miryemê çende cwanî çende benaz û ’îwanî
Gozey kurdî bo dekirim delên ewcar natwanî
Leber ew goze demirim naskê naye serşanî
Baskim we jûr serî de xoşewîstî mîwanî
Leber ew jine reştale qedî delêy şimşale
Min ser keme ser ranit pêm dade bew desmale
Ger gule pirsî kêye bimşêle bilê bêhale
Ger bû yekcar çeqey kird ramjêne bilê mindale
’urûsim cûm ermenîm min dînim bo wî betale
Miryemê
Miryemê to delêy durî delêy durî
Cergî ’alemit birî
Rebî biraket xêr nekat le celebî kawrî
Awrit le min berdawe kulmet gulî şeş perê
Miryemê çende cwanî çende benaz û ’îwanî
Deçem cerey bo dekirim xo gozey kurdî natwanî
Awrî le min berdawe be milwênê herzanî
Agadarî ew gule bê cedî xewsî geylanî
’entîke û zêdelawe çonî lê bikem silawe
Sîngî penîrî kurdî zulfî gyabend û xawe
Kelekey çepim kune nazê be mist lêydawe
Pêm gut nabî be yarim xudahafîz malawa
Mangî çarde ew jiney dî xecalet bû gerawe
Miryemê çende cwanî çende benaz û ’îwanî
Leber ew goze demirim naskê deyba bo kanî
Derom carey bo dekirim gozey natwanî
Beynella şox û şengî wek ahûy xyabanî*
Nerim û nol û gird û mird destim lebo memkî bird
Kulmî sêwî lasûre têydaye xalî wird wird
Kifrê le min waqî’ bû daway dû maçim lê kird
Şewê takû beyanî ew basket bo bikem be pird
Hassan Zirak