Heme Ceza
لە دەستم دێ کاتژمێری کامەرانیت بوەستێنم لە دەستم دێ ئەڵقەی پەنجەت پێ فڕێ دەم نامەی بەختت بسووتێنم لە دەستم دێ هەموو شتێک ئاشکرا کەم کام شەوت گەش و ڕووناکە ئەو شەوی فوو لە چرا کەم لە دەستم دێ، بە دوو وشە دڵی زاوای ویستووت ڕەش کەم لە خۆشاوی شەوی پەردەتان بێبەش کەم نامەکانت یەک یەک ماون دیارییە سادەکانت ماون چاویان شۆڕە دەست لەسەر سنگ بۆم وەستاون لە تاوی ئەو کارەساتەم ئارەقەی شەرم دەتکێنن مۆری حەزێکی ئاگرین بە ناو چاوتەوە دەلکێنن گەواهی دەدەن لەسەرت دارتێلەکانی سەر شەقام گەواهی دەدەن ئەوانەی نامەی تۆیان بۆ دەهێنام بەڵێ گیانە گەر بمەوێ کاتژمێری کامەرانیت بوەستێنم گەر بمەوێ ئاڵقەی پەنجەت پێ فڕێ دەم نامەی بەختت بسووتێنم بەڵگەم پێیە هەزار بەڵگەی ئاشکرا و ڕوون بەڵگەی چوار ساڵ پێکەوە بوون تاڵێکی زولفت نەماوە تێر تێر بۆنم نەکردبێ جێ دەرزییەک لە سنگی برسیت نەماوە پەنجەم پەی پێ نەبردبێ بەڵام چبکەم خۆشەویستیت، نەهەنگێکە خوێنی هەڵچووم دەخواتەوە خۆشەویستیت ڕووبارێکە قینی ڕەشم دەشواتەوە
Le destim dê Katjimêrî kameranît bwestênim Le destim dê Elqey pencet pê firê dem Namey bextit bsûtênim Le destim dê Hemû şitêk aşkira kem Kam şewit geş û rûnake Ew şewî fû le çira kem Le destim dê, be dû wişe Dilî zaway wîstût reş kem Le xoşawî şewî perdetan bêbeş kem Namekanit yek yek mawin Diyarîye sadekanit mawin Çawyan şore Dest leser sing bom westawn Le tawî ew karesatem Areqey şerm detkênin Morî hezêkî agirîn Be naw çawtewe delkênin Gewahî eden leserit Dartêlekanî ser şeqam Gewahî deden ewaney Namey toyan bo ehênam Belê giyane Ger bimewê katjimêrî kameranît bwestênim Ger bimewê alqey pencet pê firê dem Namey bextit bsûtênim Belgem pêye Hezar belgey aşkira û rûn Belgey çwar sal pêkewe bûn Talêkî zulfit nemawe têr têr bonim nekirdbê Cê derzîyek le singî birsît nemawe Pencem pey pê nebirdbê Belam çibkem Xoşewîstît, nehengêke Xwênî tînim exwatewe Xoşewîstît rûbarêke Qînî reşim deşwatewe